Notícies

Laurent Pinatel maltractat e expulsat pel servici d’òrdre d’Hollande

Lo pòrtavotz de la Confederacion Païsana, l’arpitan Laurent Pinatel, que foguèt estat convidat dissabte de matin a participar a l’inauguracion per François Hollande del Salon de l’Agricultura de París, foguèt maltractat e expulsat pel servici d’òrdre del quite president francés, çò rapòrta Bien Public.
 
Lo pòrtavotz del sindicat agricòla auriá ensajat d’interpelar lo cap d’estat. Segon Pinatel, aquela expulsion veniá perque, çò ditz, “parlèrem ièr de bòrdas intensivas. Visiblament aquel discors destorba”. “I a de païsans que patisson. Cada dos jorns un païsan se suicida”, çò precisèt.
 
Lo Movement dels Joves Socialistas de Léger, lo departament arpitan que Pinatel es d’ailà, an condemnat l’accion del president e de sa seguretat. Los joves socialistas an publicat un comunicat ont lo movement declara: “[portam] tot son sosten a la Confederacion Païsana e a Laurent Pinatel, son pòrtavotz violentament expulsat pels servicis de seguretat del President de la Republica al Salon de l’Agricultura. Lamentam d’aver pas vist tant de fermetat de part de las fòrças de l’òrdre durant las manifestacions ignòblas de l’FNSEA aquestes darrièrs meses”. Fan referéncia a aquel sindicat agricòla qu’es partisan de l’agricultura intensiva e que practica d’actes crusèls amb d’animals e de violéncias dins lors manifestacions.

 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies