Notícies

L’FMI avisa que la recession pel coronavirus serà “tan marrida o piéger” que la crisi de 2008

La directritz generala del Fons Monetari Internacional (FMI), Kristalina Georgieva, a avertit que l’impacte del coronavirus sus l’economia causarà una recession “talament marrida o piéger” que la que se debanèt en consequéncia de la crisi de l’an 2008. “La creissença per 2020 es negativa, amb una recession tan marrida o piéger que la de la crisi financièra globala. Mas esperam una recuperacion en 2021”, çò diguèt Georgieva dins un comunicat que pronostica que la repercussion de la Covid-19 serà “sevèra” e a demandat als estats qu’impulsen mai de politicas fiscalas.
 
Dins l’encastre de la macroeconomia, se considèra coma una recession un periòde de creissença negativa del PIB d’una economia dins un relambi de dos trimèstres o mai. Per ara, Georgieva a demandat de “priorizar” la contencion del virus e  de “refortir los sistèmas de santat”. “Del mai lèu arrestarem lo virus, del mai rapida e fòrta serà la recuperacion”, çò a soslinhat.
 
D’autre caire, la directritz gerala de l’FMI a celebrat tant las decisions de las bancas centralas coma las “extraordinàrias accions fiscalas” que las an entamenadas qualques estats per “refortir los sistèmas sanitaris e protegir los salariats e las entrepresas afectadas”. Pasmens, Georgieva a avertit que caldrà “encara mai” de mesuras fiscalas.
 
 
Atencion als païses pus paures
 
Dins lo comunicat, Georgieva assolida que los païses desvolopats se tròban dins una situacion melhora per respondre a la crisi que non pas los païses mai paures, qu’afrontan “d’enjocs significatius”.
 
Segon de donadas de l’FMI, los investidors internacionales an tirat 83 miliards de dolars dels mercats emergents aquestes jorns, çò qu’es “la pus granda fugida de cabals fins ara”.
 
 

The global economic outlook for 2020 is negative—recession at least as bad as the Global Financial Crisis or worse. But we expect recovery in 2021. How to get there? Read @KGeorgieva's statement here: https://t.co/F1WjFgUwzS #COVID19 #coronavirus pic.twitter.com/M2XgTnTOK0

— IMF (@IMFNews) March 23, 2020
 
 
 

 
 
 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies