Notícies

Libia: lo viòl masculin per neutralizar los opausants

Fan sistematicament servir lo viòl masculin en Libia coma arma de guèrra de dominacion politica, segon una revelacion que la publica The Guardian. Una organizacion qu'a son sèti en Tunisia a menat a bon tèrme una enquèsta en elaborant de rapòrts amb d'enregistraments vidèo de testimoniatges esglasiants de las victimas.
 
La tòca d'aquelas torturas es d'umiliar e neutralizar los opausants dins un país que sa situacion politica es caotica e que lo contraròtlan divèrsas milícias. Lo viòl masculin es un tabó talament umiliant per la cultura d'aquel endrech que las victimas, delà la dolor patida, se senton pas pus capablas de tornar a la vida politica, militara o civila.
 
Qualques testimònis afirman que foguèron daissats dins una cambra amb d'autres presonièrs, que recebián l’òrdre de los violar o de los tuar. Los vidèos confirman aquelas torturas d'òmes violats amb divèrsas sòrtas de bastons e quitament de fusadas, çò auriá vist un jornalista de Le Monde.
 
Lo rapòrt es sortit en anglés sus The Guardian. En mai d'aquò, El Diario.es ne publica una traduccion en espanhòl.
 




 
 

Leave a Reply

Your email address will not be published. Required fields are marked *