Notícies

Lo govèrn francés retira l’edat de retirada a 64 ans de sa refòrma de las pensions

Lo primièr ministre francés, Edouard Philippe, a mandat una letra als sindicats en lor comunicant que retira lo retard concret de l’edat de retirada a 64 ans de son projècte de reforma de las pensions qu'a provocat una cauma generala illimitada dempuèi lo 5 de decembre passat.
 
La letra, mandada per Philippe al 38n jorn de cauma generala, ditz: “Per demostrar ma fisança als partenaris socials e non pas prejutjar de la sortida de lors trabalhs pertocant las mesuras de prene per aténher l’equilibri en 2027, soi dispausat a retirar del projècte de lei la mesura de cort tèrme qu’aviái prepausada, que consistissiá a convergir progressivament a partir de 2022 devèrs una edat d’equilibri de 64 ans en 2027”
 
Ça que la, la letra de Philippe afortís que son govèrn vòl “bastir un sistèma de pensions universal”. De fach, lo primièr ponch d’aquela letra insistís sus la volontat del govèrn de bastir un sistèma de retirada, per reparticion e per ponches “mai fòrt, mai simple, e mai just que lo sistèma actual” e mai indica que los regims especials seràn suprimits après lo periòde de transicion definit al mes de decembre.
 
 
Los sindicats qualifican la reforma d’ultraliberala
 
Mas al delà del retard concret de l’edat de retirada, qu’a l’ora d’ara es establit a 62 ans, se protèsta contra una reforma que vòl impausar un sistèma unic que faga desaparéisser los 42 regims de retirada existents a l’ora d’ara, segon lo mestièr.


Aquel nòu sistèma foncionariá per ponches, es a dire que l’argent que los salariats cotizan per pagar las pensions dels retirats seriá tresmudat en de ponches que se transformarián en una pension mesadièra lo jorn de la retirada. Los sindicats qualifican la reforma d’ultraliberala e asseguran que farà davalar fòrça las pensions. En mai d’aquò, la pension se recalcularà en foncion de la situacion economica e del PIB. Totes los ans comptaràn per la transformacion en ponches: tanben los ans de salaris fòrça basses, o los ans de caumatge o de pausas. Atal, los sindicats calculan qu’amb aqueles cambiaments las pensions demenirián d’entre un 20% a un 30%.
 

 

EN DIRECT | #Retraites : Déclaration d’@EPhilippePM suite aux entretiens avec les partenaires sociaux. https://t.co/T1ActpB6Iz

— Gouvernement (@gouvernementFR) January 10, 2020
  La letra d'Edouard Philippe als sindicats publicada per Le_Parisien



 
 
 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies