Notícies

Lo parlament francés a aprovat l’usatge de la polemica aplicacion Stop Covid

Los deputats franceses an aprovat l’usatge d’una aplicacion per telefòns intelligents per contrarotlar la covid-19. Nomenada Stop Covid, l’aisina fonciona via Bluetooth e raportarà las personas qu’an agut un contacte amb qualque infectat de la malautiá. La decision l’an presa los deputats en seguida d’un intens e polemic debat parlamentari sus las libertats, lo drech a l’intimitat e la proteccion de las donadas.
 
D’un caire, lo ministre de la santat, Olivier Véran, a revendicat sa “libertat de descargar o non descargar l’aplicacion que nos protegís”. De l’autre, lo cap de l’oposicion ditz qu’es ineficaç car lo 25% dels ciutadans franceses an pas de telefòns intelligents.
 
La controversiada proposicion a tanben obtengut l’aprobacion del Senat, ont la drecha classica es majoritària. Lo vòte de las cambras èra pas constrenhent, mas l’executiu voliá que l’iniciativa aguèsse lo sosten del parlament.
 
Lo descargament es pas obligatòri mas se qualqu’un l’installa sus son aparelh, l’aplicacion enregistra anonimament d’autres usatgièrs que son estats en contacte almens pendent 15 minutas a mens d’un mètre de l’usatgièr. S’una d’aquelas personas es positiva al coronavirus, l’aplicacion o detècta e o rapòrta als usatgièrs qu’an tengut contacte amb aquela persona en los encoratjant de vesitar lo mètge.
 
La causida d’Stop Covid s’anoncièt lo 8 d’abril e tre alavetz es fòrça criticada, quitament demest la majoritat parlamentària. Mas las criticas pus fòrtas venon de las organizacions umanitàrias e de l’oposicion politica.
 
Segon un sondatge, un 45% dels ciutadans de la republica francesa refusa de solucions d’aquela mena a causa de la pèrda d’intimitat del contraròtle sus la persona.

 

#DirectAN #StopCovid les comunistes voterons contre evidemment pic.twitter.com/J04pVm3kwu

— Ulyss (@achabus) May 27, 2020
 

« Inquiétez-vous plutôt des données recueillies par l’appli TikTok qu’utilise votre fils plutôt que de #StopCovid »

Très juste @mounir pic.twitter.com/dByHF2bONB

— GRZ (@GuillaumeRozier) May 27, 2020
 

I'm gonna break this thing (or at least try) #StopCovid pic.twitter.com/pt3sxZDK1G

— Elliot Alderson (@fs0c131y) May 26, 2020
 
 

 
 
 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies