Notícies

L’ÒNU recòrda a Espanha qu’a ignorat sa demanda de liberar los presonièrs independentistas catalans

Lo rapòrt annadièr del Grop de Trabalh contra las Detencions Arbitràrias de las Nacions Unidas remembra que l’estat espanhòl a ignorat sa demanda de metre en libertat sèt dels nòu presonièrs politics independentistas catalans, valent a dire Jordi Sànchez, Jordi Cuixart, Oriol Junqueras, Quim Forn, Josep Rull, Raül Romeva e Dolors Bassa. Son los sèt qu’avián depausat un recors davant l’organizacion internacionala.
 
Al mes de mai de 2019, aquel grop qualifiquèt d’arbitrària l’encarceracion de Junqueras, Cuixart e Sànchez e demandèt al govèrn espanhòl lor mesa en libertat dins un relambi de sièis meses, de lor pagar una indemnitat e de far una enquista “exaustiva e independenta” sus l’afar.
 
Puèi, dins un segond rapòrt, publiquèt las meteissas conclusions en çò que tanh a Forn, Rull, Romeva e Bassa. E mai i reïterava que lor avián violats de dreches coma la libertat d’expression, lo drech de manifestacion pacifica e d’associacion, lo drech a la libertat e a la seguretat de la persona, la libertat de pensada, l’egalitat davant la lei, lo drech a la participacion als afars publics e que los avián discriminats per aver exprimit d’opinions politicas favorablas a l’independéncia de Catalonha.
 
Lo verdicte èra pas constrenhent, mas si qu’aurà una granda importància per bastir la futura apelacion al Tribunal d’Estrasborg s’Espanha lo complís pas.
 
Lo Grop de Trabalh contra las Detencions Arbitràrias fa partida del Comitat dels Dreches Umans de l’ÒNU e depend del Naut Comissariat pels Dreches Umans. Sa tòca es de velhar suls dreches umans dins lo Mond. Durant son istòria, a publicat 245 resolucions d’aquela sòrta e solament doas pertocavan d’estats de l’Union Europèa, França e Polonha. Dins las doas escasenças los presonièrs foguèron liberats.
 
Dins una entrevista televisada lo mes de decembre passat, lo president del grop, José Antonio Guevara, insistiguèt sus la liberacion d’aqueles sèt presonièrs e demandèt de desviar pas l’atencion d’aquela demanda, que cresiá qu’èra “l’afar pus important”.
 

“No distraguem l’atenció d’un aspecte important com és la detenció arbitrària de les 7 persones independentistes catalanes, que haurien de ser a les seves cases i fent les seves activitats” @JoseAGuevaraB #FAQSpollofritoTV3  https://t.co/vqRq2maXqG pic.twitter.com/GMU2rnZhBu

— Preguntes freqüents (@FAQSTV3) November 30, 2019
 
 


 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies