Notícies

Maria Vergés serà era naua sindica d’Aran

En sindic d’Aran, Francés Boya, dèishe eth Conselh Generau d’Aran en equator de son mandat e va a aucupar un naut cargue ena administracion deth govèrn espanhòu. Maria Vergés serà era naua sindica d’Aran. Vergés ei actualament prumèra vicesindica e responsabla des departaments de cultura e lengua e d’egalitat, salut e benèster.
 
Boya aurà un reng de secretari generau o comissionat e depenerà dera quatau vicepresidéncia deth govèrn espanhòu, a mans dera ministra dera transicion ecologica, Teresa Ribera. Eth sòn cargue se poderie formalizar aué madeish ena sesilha deth conselh des ministres, çò arrepòrte Segre. Eth politician aranés s’aucuparà des politiques der estat tà revertir era despopulacion rurau e melhorar era coesion territoriau.
 
Atau Boya torne a dirigir es politiques de montanha, coma ac hec coma senador entre es ans 2011 e 2015 dempús d’auer estat sindic d’Aran entre 2007 e 2011.





FM





 
 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies