Notícies

Marselha: trist sòrt per un jove albanés

Aquò se passèt pendent la vesita a Tirana del ministre dels afars estrangièrs francés, que reprochava al govèrn albanés la nauta quantitat de demandaires d’asil a França.
 
 
Florenc Beqiraj
 
Lo jove trabalhava coma serveire dins un restaurant dempuèi dos ans sens documents oficials, fins que la polícia l’arrestèsse en cò sieu.
 
Encarcerat pendent 30 jorns, Florenc demandèt a las autoritats que li permetèsson de tornar en Albania per i passar las fèstas del cap d’an. Totun, segon sos amics e parents, de policièrs lo torturèron dins sa cellula.
 
 
La polícia se’n lava las mans
 
La quita polícia declarèt que Florenc ensagèt de se nafrar solet per obténer que lo menèsson dins son país dos jorns puèi. Pasmens, lo 15 de decembre son cervèl èra mòrt, mas lo còr e los autres organs foncionavan. Los parents donèron lor consentiment per arrestar l’aparelh que lo manteniá viu, e l’estat albanés faguèt menar lo cadavre al país.
 
 
Reaccions
 
Los mèdias albaneses, premsa e television, soslinhèron la responsabilitat de la polícia francesa e del govèrn albanés a prepaus dels faches e, en general, dels problèmas dels refugiats albaneses en Euròpa occidentala.
 
S’anoncièt que lo procuraire de Marselha aviá començat una enquèsta.
 
 
 
 
Bardhyl Selimi
Correspondent de la revista Monato en Albània
 
 
 
  Article publicat originàriament en esperanto dins la revista Monato

 
 
 



 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies