Notícies

Mobilitat dels professors: los occitanofòns son discriminats

Los professors de l'educacion estatala francesa pòdon demandar lor mudacion dins tot l'estat. Cada ensenhaire es provesit d'un barèma que se compausa de diferents itèms, coma l'ancianetat, la separacion amb la familha, las consideracions medicalas o socialas. Un d'aquestes itèms pòt èsser una competéncia especiala dins tal o tal domeni. Concernís los professors que demandan de pòstes especifics. Atal los pòstes d'ensenhaires EN (pas DE las) lengas bretona o còrsa fan l'objècte d'un tractament especific. Los ensenhaires britofòns o còrsofòns pòdon demandar lor mudament sus de plaças ont los ensenhaments se fan en lor lenga . S'agís pas aquí de professors de lengas dichas regionalas mas de professors de tota matèria que vòlon ensenhar EN la lenga.
 
Mas aquesta possibilitat existís pas pels professors que parlan occitan e que voldrián ensenhar en lenga nòstra. La circulara ministeriala non dona pas cap d'explica sus aquela situacion. Se sap que lo sindicat Accion e Democracia-CFE CGC a ja interrogat lo Ministèri de l'Educacion sus aquò mas n’a pas encara recebut cap de responsa.
 
L'interpretacion d'aquel tèxt mandat pel ministre a totes los rectors d'acadèmia pòt èsser interpretat de doas manièras:
  — siá ensenhar en occitan es pas identificat coma una competéncia especifica
— siá i a pas cap de pòstes d'ensenhament EN lenga nòstra.
  En cadun dels dos cases es vertadièrament una discriminacion fòrta envèrs l'ensenhament en nòstra lenga e envèrs sos ensenhaires.

 
 






 




 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies