Notícies

Moscòu: un accident aerian causa la mòrt de 71 personas

Un avion de la companhiá Saratov Airlines amb seissanta cinc passatgièrs e sièis membres de l’esquipatge s’escrachèt ièr pauc après despegar, en ocasionant la mòrt de totes los ocupants. Lo Ministèri de las Emergéncias rus a publicat la lista amb lo nom de las setanta una personas mòrtas, ont dos enfants e un adolescent.
 
“Un Antonov AN 148 que fasiá lo vòl (6W)703 de Domodedovo (Moscòu) a Orsk a patit un accident près de Stepanovskoye, dins lo districte Ramenskij de la region de Moscòu”, çò ditz lo comunicat oficial del Ministèri de las Emergéncias rus.
 
Segon Sputnik, una enquèsta es estada dobèrta. La pòrtavotz del comitat de las enquèstas rus, Svetlana Petrenko, a dich que l’avián dobèrta per una sospechada “violacion de las nòrmas de seguretat aeronautica e d’esplecha dels mejans de transpòrt aerian qu’a derivat vèrs la mòrt de mai d’una persona”‘.
 
L’avion a desaparegut dels radars pauc après despegar de l’aeropòrt de Moscòu Domodedovo. L’agéncia russa del transpòrt aerian, Rosaviatsia, raportèt alavetz que l’esquipatge de l’AN 148 aviá quitat de respondre als contrarotlaires aerians qualques minutas après l’enaurament”.
 
Segon Flightradar24, un sit web suedés que susvelha en temps real los vòls de tot lo Mond, l’avion passèt dels 1889 mètres d’altitud als 975 a la darrièra minuta abans que lo radar ne perdèsse lo senhal. A aquel moment, l’avion èra a unes vint quilomètres al sud-èst de Domodedovo.
 

The speed and altitude graph for flight #6W703 show a descent from 6200 feet to 3200 feet during the last minute before the ADS-B signal was lost about 20 km south-east of Domodedovo Airport.https://t.co/PNoxBssRTf pic.twitter.com/ppf5rD9k7E

— Flightradar24 (@flightradar24) 11 de febrer de 2018
 
 
La cadena russa Life a publicat un vidèo amb las rèstas de l’avion:
 

 
 



 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies