Notícies

Narbona: an descobèrt una necropòli romana excepcionala

An descobèrt a Narbona una necropòli romana excepcionala que poiriá conténer aperaquí 1100 sepulturas dels sègles Ir a IIIn. Un sit qu’a pas d’equivalent en Occitània e que seriá solament comparable a Pompèi.
 
L'an trobada a un endrech ont anavan bastir un quartièr de residéncias d’standing que sos trabalhs devián començar en novembre d’arunan. Mas abans la construccion se faguèt, entre 2007 e 2014, de sondatges del terren que senhalèron la preséncia de sepulturas.
 
La descobèrta a mobilizat una quarantena d’arqueològs, trenta sul sit e dètz en laboratòri. La necropòli l’an requalificada de “descobèrta excepcionala” e aquò permet lo desengatjament de 6,25 milions d’èuros sortits de l’estat (2,8 milions), de la region (800 000 èuros), del departament, de l’aglomeracion, de la vila (300 000 èuros cadun) e de la societat d’amainatjament Alénis (750 000 èuros).
 
Segon l’Institut Nacional de Recèrcas Arqueologicas Preventivas (INRAP), lo sit es espectaclós e ric d’ensenhament scientific. Las tombas seràn prelevadas e una partida del mobiliari funerari serà expausat al musèu.
 
De soslinhar una pichona placa en marbre amb un epitafi en latin que mençona dos petits enfants, Festus e Aquila, de 10 e 8 ans respectivament, enterrats aquí. Seràn pas los sols a sortir de l’oblit amb aquela enòrma trobalha.
 
 
 

Discovery of nearly 1,000 #Roman-era tombs in Narbonne, #France is 'comparable to #Pompeii' https://t.co/xdaPpPeeDh #RomanArchaeology #Archaeology #RomanFrance #Narbonne #Romans #RomanEmpire #RomanHistory pic.twitter.com/cHqOLsA0Zj

— Roman Archaeology (@RomArchable) October 8, 2019
 


Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies