Notícies

Naua edicion dera hèira “Hèt a man, hèt aciu” deth 17 ath 20 d’agost

Anuncio conselh julio

Vielha, 10 d’agost de 2017.- Un an mès era Val d’Aran acuelh ua naua edicion dera hèira “Hèt a man, hèt aciu”, qu’organize eth Conselh Generau d’Aran, e que debanarà en Vielha (Passejada dera Libertat) es dies 17, 18, 19 e 20 d’agost de 10:30 a 14:30 e de 16:30 a 21h:00 ores Se tracte d’ua hèira qu’a coma objectiu promòir es mestieraus e es productes dera Val d’Aran.

Era hèira s’organize damb era collaboracion dera Deputacion de Lhèida, er Ajuntament de Vielha e Mijaran, era Associacion de Mestierau e Artistes dera Val d’Aran, productors dera mèrca de gatge “Productes dera Val d’Aran” e dera Associacion de Cases de Pagés dera Val d’Aran.

Ath long des 4 dies, es visitants ara hèira poderàn apropar-se as estands entà crompar es productes. Ath delà, pes tardes, poderàn gaudir de diferenti talhèrs e demostracions a cargue des madeishi mestieraus.

Era hèira aufrís demostracions de coma elaborar sabons e saus de banh, cartes de felicitacion, dessenh de jòies de husta e talhèrs d’elaboracion de pasta de dents, de doci e degustacion de vins, entre d’auti.

Era conselhèra de Torisme deth Govèrn d’Aran, Anna Díaz, a explicat que damb aguesta hèira que ja ei tradicionau en ostiu ena Val d’Aran, volem hèr conéisher, tant as aranesi coma ara gent que mos visite pendent er ostiu, es diferenti sectors artesanaus dera man des sòns productors que son representants d’ua importanta activitat deth comèrç locau”.

Anuncio conselh julio

Leave a Reply

Your email address will not be published. Required fields are marked *