Espòrts Notícies

Pòdiums tàs nedadors aranesi deth VIELHA SWIM TEAM ena VIIau Copa MARNATON de Begur

Catorze aranesi deth VIELHA SWIM TEAM participèren eth dimenge, 10 de junh, ena setau edicion dera pròva d’aigües dubèrtes MARNATON eDreams by VW California de Begur, qu’amassèc 836 nedadors.

Dètz nedadors deth VIELHA SWIM TEAM participèren ena MARNATON Kids, destinades a mainatges de 5 a 13 ans e qu’arribaue ara quatau edicion, e eth dia abans, se hec era pròva de relèus 4×1000, qu’amassèc 20 equipes, a on eth VIELHA SWIM TEAM tanben participèc damb quate nedadors.

 

RESULTATS DEL VIELHA SWIM TEAM:

 

 

Categoria Gòbits 50m:

– 1èr. Eric Barbeitos

 

 

Categoria Escorpores 100m:

– 1èr. Aner Serrano
– 2au. Èlia Boya
– 3au. Aina Ariño

 

 

Categoria Barracudes 200m:

– 1èr. Bertrand Sirat
– 2au. Berta Ariño
– 3au. Ari Boya

 

 

Relèus Absoluts Femenin 4×1000:

– 2aus. Jana Ros- Aone Landa- Mireia Suesta- Montse Cuixart

 

Era MARNATON eDreams by VW California de Begur forme part dera VIIau Copa MARNATON eDreams by VW California, que s’inaugurèc aguesta sason damb era pròva de Barcelona. Dempús de Begur, encara demoraràn dues pròves mès dera Copa. Per un costat, era de Sant Feliu de Guíxols, eth 30 de junh, qu’arribe ara setau edicion. E era de Cadaqués, eth 15 de seteme, qu’enguan arribe ara onzau edicion.

MARNATON ei ua empresa especializada ena organizacion d’eveniments de natacion en aigües dubèrtes. Des deth 2008 eth sòn objectiu ei popularizar era natacion de longa distància en tot prestar ua especiau atencion ara seguretat, er entorn e er ambient familhau atau coma potenciar ua vida mès saludable e eth respècte peth medi ambient. Es patrocinadors de referéncia dera pròva son eDreams, qu’ei era agéncia de viatges online cap en Euròpa, e VW California.

 

 

 

 

Vielha, 11 de junh de 2018

 

Conselh Generau d’Aran: Núria Sanjuan

Fotos: Vielha Swim Team

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies