Notícies

Pòrt Leucata amassa “la Dintrada”, una universitat politica occitana

La “Dintrada” (çò es: la “Rintrada”), una universitat politica occitana, se debanarà la primièra dimenjada de setembre a Pòrt Leucata, dins la comuna de Leucata, en Narbonés, entre l’Estanh de Leucata e la Mar Mediterranèa. Es organizada mai que mai per lo Partit Occitan, que càmbia de nom e que se fa apelar d’ara enlà “Endavant”.
 
Los convidats e de conferencièrs provenon de la societat civila —agricultors, professors o jornalistas— e entre eles d’unes que i a seràn convidats pel primièr còp a collaborar amb lo movement occitan (vejatz lo programa).
 
Las taulas redondas tractaràn los tèmas seguents: “Per cambiar lo paradigma e renovar las culturas politicas: empénher Euròpa cap al federalisme”; “Productivisme e agricultura sostenabla: l’abondància de paradòxas e un fum de paradòxas en Occitània”; “Mejans de comunicacion e centralisme: los mecanismes de dominacion”.
 
An previst la preséncia de: Gérard Onesta, èx-vicepresident del Parlament Europèu; Jordi Solé, deputat de Catalonha; José Bové, eurodeputat; Jean-François Tealdi, editor a France Televisions; e  Julien Zloch,  primièr cònsol de Grenòble. Participarà tanben Ferriòl Macip, capredactor de Jornalet.
 
De representants politics, que venon de diferentas regions o nacions europèas (Catalonha, Bretanha), partejaràn lors experiéncias dins doas taulas redondas, organizadas coma doas sesilhas “ofensivas”: “La provocacion institucionala: las competéncias regionalas e la coeréncia territoriala al servici d’una consciéncia occitana” e “Descomposicion de la crisi de fisança politica: la participacion ciutadana e l’experiéncia d’un nòu projècte politic”.




Mai d'informacions sus ladintrada.eu


La Setmana: La Dintrada: l’Occitanisme que prepara la soa rentrada

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies