Notícies

Primièr examen preüniversitari en occitan

Per primièr còp dins l’istòria se farà un examen d’accès a l’universitat en occitan. Una escolana aranesa a exigit de far son examen dins sa lenga, puèi qu’es oficiala en Catalonha. Li dison Lourdes Bruna, a seguit los estudis del bachelierat francés a Vielha e farà deman sos examens preüniversitaris de matematicas e de fisica en occitan a Lhèida. “Jo les vau a hèr en aranés encara que non me les corregisquen, perque pensi que sò en mèn dret ja qu’ei lengua oficiau en Catalonha, e ath delà jo m’exprimissi melhor en aranés”, çò a declarat a Bruna TV3.
 
Malgrat que l’occitan siá lenga oficiala en Catalonha tota dempuèi 2006, es lo primièr còp que se revendica aquel drech, que se n’es fòrça parlat dins los rets socials.
 
Bruna faguèt son trabalh de recèrca en occitan e alavetz decidiguèt de revendicar sos dreches lingüistics a l’ora de far sos examens. Lo Sindic d’Aran, Carlos Barrera, li a ofèrt l’ajuda de dos lingüistas per las correccions dels examens. E mai a exigit que los enonciats dels examens sián desenant totjorn en aranés.
 
 
 
 

 
 

 
 

E òc, ei lengua oficiau e auem dret tanben a hèr es #PAU2018 en aranès. Òsca! https://t.co/qHm0HWvmxt

— Mireia Boya Busquet (@yeyaboya) 12 de juny de 2018

 
 

Lourdes Bruna, de la Vall d'Aran, serà la primera estudiant a fer la selectivitat en aranèshttps://t.co/TnRfTUt3ul

— Catalunya Ràdio (@CatalunyaRadio) 12 de juny de 2018

 
 

Ua decission trascendentau que hè a capvirar eth sistèma escolar e politic a peticion d'ua alumna. Er #aranés jamés morirá se n'èm militants e senon lo deisham pèrder. Felicitats pera decission prenuda per aguesta gojata d'Arties. #ValdAran #NautAran https://t.co/WPpVWGo1dc

— Anna Geli (@geli_anna) 12 de juny de 2018

 



 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies