ARANES.ORG neishec eth 8 de noveme de 2004
Preten èster eth web deth mon aranés, eth punt de referéncia entàs aranesi de per tot eth mon que vòlen informar-se sus era lengua, es persones e es actuacions que formen eth mon culturau aranés.
Es finalitats son es següentes:
- Eth coneishement e er us public dera lengua aranesa, pròpia dera Val d’Aran, coma principau caracteristica d’identitat, en toti es encastres dera vida politica, administrativa, culturau, economica e sociau.
- Promòir e velhar entà qu’es poders publics possen era normalizacion lingüistica en totes es administracions e entà qu’era sua politica educatiua e culturau promòiguen eth coneishement e er us pleament normau der aranés.
- Empréner e desplegar tot tipe d’accions e d’iniciatives que tendisquen a ua preséncia pleament normau e generalizada dera lengua e dera cultura dera Val d’Aran en toti es mieis de comunicacion e es indústries culturaus.
- Exercitar tota classe d’accions contra quaussevolh discriminacion per rason d’us public o privat dera lengua aranesa, cossent damb er ordenament juridic.
- Defensar e promòir eth patrimòni culturau e naturau dera Val d’Aran e era sua consciéncia nacionau, en marc des Païsi Occitans e en estreta collaboracion damb totes es autes associacions d’Occitània que compartissen es madeishes finalitats sociaus.
- Contribuïr a desvolopar e assolidar es institucions d’autogovèrn dera Val d’Aran e promòir era maxima coordinacion e collaboracion damb es autes institucions d’autogovèrn des territòris de parla occitana, especiaument, en çò que hè ara politica lingüistica e culturau.
- Reclamar a toti es poders publics que promòiguen eth prestigi sociau dera lengua e era cultura pròpia dera Val d’Aran e faciliten era incorporacion des naui ciutadans ara lengua, ara cultura e ara societat d’Aran.
- Facilitar ath nòste pòble er accès ara cultura universau per miei dera lengua aranesa e promòir es relacion interculturaus entre totes es nacions dera comunitat internacionaue entre totes es comunitats establides en Aran.
- Contribuïr en procès de construccion dera Union Europèa des deth respècte e eth reconeishement des drets nacionaus, culturaus e lingüistics de toti es sòns pòbles.
- Empréner totes es activitats licites que permeten desvolopar es fins e es objectius configurats enes apartats anteriors.
- E, en generau, totes es accions qu’afavorisquen era promocion dera lengua aranesa, era cultura e era identitat pròpia d’Aran coma país.
Demore excludida ena totalitat (totalment) des finalitats d’ARANES.ORG quaussevolh actuacion damb anims de lucre.
Suggeriments
Vos convidam a enviar-mos es vòsti suggeriments entà pr’amor d’ajudar-mos a melhorar eth web. Gràcies per visitar-mos.