Notícies

Rodés: an suspendut lo masèl ovin

Lo Ministèri francés de l’Agricultura a suspendut lo masèl ovin de Rodés en rason de “practicas inacceptablas” e de “mancaments grèus a las règlas de proteccion animala”. Après una denóncia facha per l’associacion animalista L214, lo ministèri a suspenduda l’installacion en anonciant una “inspeccion completa”.
 
Pasmens, l’associacion L214 assegura que “s’i a de mancaments grèus de part del masèl, i a tanben de mancaments grèus del costat dels servicis de contraròtle del Ministèri de l’Agricultura”, en considerant totun coma “una bona nòva” que lo ministèri anóncie aquela “inspeccion completa”, e los animalistas asseguran qu’un rapòrt produch pels servicis veterinaris fa quatre ans constatava çò qu’ara se pòt veire suls imatges.
 
 
Un vidèo esglasiant
 
Lo vidèo explica que per produire lo formatge de Ròcafòrt las fedas devon aver d’anhèls per poder far de lach. Aqueles anhèls son elevats dins de condicions indignas amb fòrça patiment e morisson per desenas, mai que mai en causa de malautiás respiratòrias. Los subrevivents son mandats al masèl a 4 meses, ont plusors son escotelats e penjats sens aver perdut coneissença.
 
 

 
 
 

 
 
 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies