Notícies

“Ryan Patrick Bolger, te vòs maridar amb ieu?”

La sesilha del parlament australian ont se debatèt la legalizacion del maridatge pels parelhs omosexuals visquèt un moment estonant. Pendent son discors, lo deputat Tim Wilson susprenguèt son calinhaire Ryan Bolger, qu’èra present dins l’emicicle,en li demandant se se voliá maridar amb el. Dins son discors, Wilson remembrèt èran nòvis dempuèi longtemps mas que podián pas formalizar lor relacion:
  “Aqueste debat es estat la benda sonòra de nòstra relacion. Nosautres dos sabèm pas qu’es pas per aqueste subjècte que nos sèm engatjats en politica. Mas mon discors definís nòstre ligam, lo de l’anèl qu’avèm a nòstras mans esquèrras. Son la responsa a la question que podèm pas pausar. Alara, non pòdi far qu’una causa. Ryan Patrick Bolger, te vòs maridar amb ieu?”  
Bolger respondèt que “òc” sul pic.
 

Here's the moment Tim Wilson proposed to his partner in the House of Representatives pic.twitter.com/WUJOAgyDRA

— Osman Faruqi (@oz_f) 4 de desembre de 2017
 

I said YES! @timwilsoncomau#Hansard#MarriageEquality @ Parliament… https://t.co/DwePhwZELk

— Ryan Bolger (@rpbolger) 4 de desembre de 2017
 
Lo projècte de lei se deu encara votar. Lo Senat australian aprovèt la setmana passada la proposicion e ara es previst que la lei supère totas las proceduras sens nada dificultat. D'efièch, los deputats s’engatgèron a respectar la volontat del pòble exprimida a travèrs d’una consulta facha per mejan del servici postal, ont lo 61,6% manifestèron lor sosten al maridatge per totes.
 
La lei australiana de 1984 fasiá de discriminacions sus la basa de l’orientacion sexuala de las personas e de lor identitat de genre.
 
 



 

Leave a Reply

Your email address will not be published. Required fields are marked *