Notícies

Tolosa: l’espital Joseph Ducuing es tornarmai dins lo contracte social

Lo personal de l'espital Joseph Ducuing de Tolosa (ancianament apelat espital Varsovie) a mal aculhit lo projècte de la direccion d'externalizar los agents de servici espitalièr devèrs la societat Biomega. Aquò vòl dire privatizar una partida del personal per, çò dison, "salvar l'espital".
 
Mas, en fasent d'economias de budget, s’instaura de condicions de trabalh deplorablas que preparan lo terren a una privatizacion completa, situacion de d’aitan pièger comprene qu’una partida del conselh d’aministracion es compausada de representants comunistas.
 
 
Intervencion de la polícia
 
Lo 7 de junh passat, lo personal aviá decidit una operacion de mobilizacion per protestar contra aquela decision. Per desblocar la situacion, lo director Eric Fallet demandèt l’ajuda de la polícia que, coma de costuma, o reglèt tot en distribuissent de còps e en arrestant una persona que passèt una nuèch en gàrdia a vista. Vaquí una ataca de mai del capitalisme contra los trabalhadors de la santat e tanben contra totas las valors socialas. Aquela reaccion illustra plan la tendencia repressiva d’un estat e d’un patronat que vol pas pus daissar de plaça al dialòg.
 
 
Un espital istoricament social
 
L’espital existís dempuei 1944. Foguèt fondat per de mètges e de volontaris de las unitats de combat espanhòlas de las Fòrças Francesas de l'Interior refugiadas dins la region. Sas còlas son ajudadas per de personas d’Euròpa tota mas tanben d’America amassadas dins d’organismes coma lo Joint Anti-Fascist Refugee Committee. En 1955, se creèt l’associacion dels Amics de la Medecina Sociala (AMS) que consolida l’espital sul plan juridic mas tanben sul plan social, portant de valors non lucrativas e desinteressadas.
 
Es per aquò que lo projècte de la direccion actuala es mal aculhit per lo personal de l'espital.
 
Podètz trobar mai d'informacion sus Iaata.info.
 
 
 
 
Hierro Septiembre









 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies