Notícies

Tolosa: manifestacion per la liberacion dels presonièrs politics catalans

Mentre qu’en Barcelona una molonada impressionanta reclamava la libertat dels presonièrs politics, a Tolosa, qualques desenats de personas se rassemblèron davant lo consolat d’Espanha per sosténer la meteissa revendicacion.
 
En brandissent de drapèls catalans e occitans, los manifestants critiquèron lo refús de negociacion de Mariano Rajoy, l’aplicacion de l’article 155 de la Constitucion espanhòla que considèran coma “un còp de fòrça inacceptable” e quitament “un vertadièr còp d’estat”. En mai d’aquò, exigiguèron de l’UE qu’intervenguèsse dins un afar “qu’es pas pus un afar intèrn d’Espanha” car aquel “atemptat a la democracia es inacceptable per l’umanitat tota entièra”. En mai d’aquò, saludèron la manifestacion que se teniá al meteis temps a Barcelona e exigiguèron la liberacion immediata dels presonièrs politics.
 
Participèron a la manifestacion de personalitats conegudas d’EELV e del Partit Occitan coma Gérard Onesta, Guilhèm Latrubèssa e Dàvid Grosclaude.

 

 
 

 
 



 

Leave a Reply

Your email address will not be published. Required fields are marked *