Cabecera Notícies Slider

Tot prest entara 36au Marxa Beret

  • Era 36au edicion dera Marxa Beret, que s’auec d’ajornar eth passat 1 de hereuèr a causa des intenses nheuades, se celebrarà deman dimenge, 22 de març.
  • Se demore ua participacion de 600 hondistes.
  • Era hondista catalana, Laura Orgué, penjarà es esquís dempús de disputar aguesta edicion dera Marxa Beret.

 

DSC_0005

Era carrèra populara de hons mès multitudinaria d’Espanha torne damb fòrça dempús deth sòn ajornament pes fòrtes nheuades eth passat 1 de hereuèr. Pendent era dimenjada der eveniment queigueren mès de 2 m de nhèu en 48 ores e, tot e qu’obliguèren a postergar-la, siguec ua nheuada clau pr’amor que Baqueira Beret age alongat era sua sason enquiath dia 12 d’abriu.

DSC_0028

S’en hereuèr se superèren es 1.000 inscriti, entà deman se preve ua participacion de 600 hondistes.

DSC_0058

Era gessuda serà deman dimenge 22, entàs 10h00 deth maitin e era carrèra compartirà eth traçat damb era Marcha Naut Aran. Se disputarà enes distàncies abituaus de 10, 21 e 42 km peth Plan de Beret e entà coïncidir damb era Marcha Naut Aran se somaràn es distàncies de 5 e 2 km. Es traçats mès longui baisharàn enquia Montgarri, era quau causa dèishe clar era quantitat e qualitat de nhèu que i a en Baqueira.

DSC_0044

Toti es dorsaus que s’arrecuelheren es dies 30 e 31 de gèr son valids entà participar ena 36au edicion dera Marxa Beret.

DSC_0031

DSC_0034

DSC_0036

DSC_0054

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies