Espòrts Notícies

TRAIL CARLAC 2018

Aguesta dimenjada aurà lòc ua naua edicion de Trail Carlac, enguan damb 4 corses: 2 dissabte e 2 dimenge.

Eth dissabte, 16 de junh, se disputarà era Montlude SkyMarathon damb 43Km e 4300m D+ (puntuable damb 3 punts UTMB) e era Montlude SkyRace damb 26Km e 2500m D+ (puntuable damb 1 punt UTMB).

Eth dimenge, 17 de junh, se disputaràn es 2 corses mès populares, eth Bòsc de Carlac damb 19Km e 1200m D+ e era Vila de Les damb 9Km e 550m D+, aguesta darrèra tanben daurida per caminants.

 

Toti es recorreguts son exquisidament escuelhudi e transcorren per zònes de naut valor naturau, culturau e istoric, era gessuda se harà ena Plaça deth Haro de Les a on se realize era crèma deth Haro declarat Ben Immaterial pera UNESCO.

 

 

Er iuèrn a estat long e dur, a on era preséncia de nhèu a hèt modificar bèth tram ara organizacion e era caiguda d’arbes a hèt qu’eth trabalh de manteniment age estat fòrça dur, mès es corses deth dissabte mantieràn era pujada ath Montlude, ei a díder enes prumèrs 10Km es corredors somaràn 2KV.

 

Es inscripcions online se barren eth dijaus 14 de junh, tot e que tanben se poderàn realizar presenciaus eth madeish dia dera corsa, autant pes corses de dissabte coma pes de dimenge.

Ena web www.trailcarlac.com poderàn trobar tota era informacion dera corsa, oraris e materiau obligatòri. Ena pagina de Facebook de Trail Carlac (www.facebook.com/trailcarlac) se pengen es darrères informacions e notícies.

Se tracte d’un eveniment organizat per vesins de Les damb eth patrocini der Ajuntament de Les e era collaboracion des ajuntaments de Bossòst, Bausen e Canejan, tanben damb era collaboracion deth Conselh Generau d’Aran e era Deputacion de Lleida.

 

 

 

 

Vielha, 14 de junh de 2018

 

Conselh Generau d’Aran: Núria Sanjuan

Hònt e Fotos: Trail Carlac

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies