Notícies

Trenta ans de preson per Bosco Ntaganda, èx-senhor de la guèrra de la Republica Democratica de Còngo (RDC)

La Cort Penala Internacionala (CPI) a condemnat a trenta ans de preson Bosco Ntaganda, èx-senhor de la guèrra de la Republica Democratica de Còngo (RDC), per dètz e uèch acusacions de crimes de guèrra e contra l'umanitat que ne foguèt declarat colpable al començament de julhet.
 
Ntaganda èra el acusat d’assassinat, d’instigacion d’atacas contra de civils, de viòl, d’esclavatgisme sexual, de persecucion, de sacatge, de relocalizacion forçada de populacion civila, de recrutament de menors de quinze ans dins un grop armat per participar a de combats, e de destruccion de la proprietat dels adversaris.
 
L’ancian rebèl, conegut coma “Terminator”, es estat jutjat pels actes que cometèt pendent los ans 2002 e 2003 quand èra lo numèro dos de l’estat major de la milícia Union dels Patriòtas Congoleses (UPC), un grop actiu dins l’èst d’aquela republica.
 
Los jutges an determinat que l’UPC e sa branca armada, las Fòrças Patrioticas per la Liberacion de Còngo (FPLC), foguèron implicadas dins lo conflicte d’Ituri entre 2002 e 2003 e que “sa conducha contra la populacion civila foguèt una estrategia premeditada”.
 
Sa defensa a assegurat pendent lo procès a L’Aia que Ntaganda foguèt un comandant militar leial e disciplinat e que sa participacion als eveniments demesiguèt lo nombre de victimas.
 

 

A great day: Congo’s “Terminator” gets 30 years @IntlCrimCourt for horrific human rights crimes.

With persistence & courage of many survivors #justice can reach even those seen as untouchable.

Read @hrw’s @ida_sawyer on years chasing #BoscoNtaganda:https://t.co/5T368UwdHt pic.twitter.com/8t5GjuuhLS

— EmmaDaly (@EmmaDaly) November 7, 2019
 


 
 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies