Notícies

Tres deputats nacionalistas còrses a l’Assemblada francesa

Los nacionalistas còrses an averat al segond torn de l’eleccion legislativa francesa una victòria istorica. Pel primièr còp, l’Assemblada francesa tendrà tres deputats corsistas: Michel Castellani, Jean Félix Acquaviva e Paul-André Colombani, çò rapòrta U Ribombu. Per ansin, tres de las quatre circonscripcions legislativas de Corsega son entre las mans de la coalicion autonomista e independentista. La quatrena, la primièra de Corsega del Sud,  l'a ganhada lo candidat dels Republicans, Jean-Jacques Ferrara. Cal soslinhar que l'illa mandarà pas cap de deputat macronista a París, contràriament al movement observat dins l'estat francés.
 
D'efièch, La Republica En Marcha (LREM), lo partit del president francés Emmanuel Macron, e sos aliats centristas del MODÈM, lo partit del bearnés occitanofòn François Bayrou, an ganhat per majoritat absoluda l’eleccion legislativa a la fin d’una jornada electorala marcada per l’abstencion pus nauta de l’istòria: lo 56% dels electors son pas anats votar.
 
Macron obten amb mai de 300 deputats una victòria ampla e lo sistèma de partits francés subís una revirada. Pasmens, la drecha dels Republicans (LR), lo Partit Socialista (PS) e l’esquèrra de la França Insomesa (FI) auràn cadun un grop parlamentari. Lo Front Nacional, qu’auriá 8 deputats en luòc dels 15 necessaris, obtendriá pas de grop parlamentari, mas Marine Le Pen e son companh Louis Aliot son elegits deputats pel primièr còp, coma la femna del cònsol de Besièrs, Emmanuelle Ménard. Lo cap de la França Insomesa, Jean-Luc Mélenchon, es venceire a Marselha, mentre que lo primièr secretari del PS, Jean-Christophe Cambadélis, a anonciat sa demission.
 
 
L’occitan i serà de la boca de Joan de Lassala
 
Tanben a obtengut lo sèti de deputat lo centrista bearnés, Joan de Lassala, que parla la lenga nòstra. De soslinhar qu’el es lo sol que mandèt sa responsa en occitan al questionari #2017oc.
 
 

Législatives : trois nationalistes corses élus à l'Assemblée nationale (Paul-André Colombani, Jean-Félix Acquaviva & Michel Castellani) #AFP pic.twitter.com/EhtiUqAeX7

— Agence France-Presse (@afpfr) 18 de juny de 2017
 

3 deputati #PèACorsica ! Vittoria storica!!! pic.twitter.com/5g8ns9lfIU

— Gilles Simeoni (@Gilles_Simeoni) 18 de juny de 2017
 

Corsica elected the 3 (first) nationalist MPs! Congratulations! @JF_Acquaviva @Castellani_ @pacolombani #PèÀCorsica#SelfDetermination pic.twitter.com/CeTu4biaPS

— EFAy (@EFA_Youth) 18 de juny de 2017


 

Leave a Reply

Your email address will not be published. Required fields are marked *