Notícies

Un combat per l’occitan e per la diversitat

Ven de paréisser Los mots e lo baston, un libre de Dàvid Grosclaude qu’explica son combat politic per l’occitan, e per una politica lingüistica en favor de la diversitat, una lucha per l’ecologia de las lengas totjorn restacada a l’ecologia de l’environament.
“Que cau lutar contra l’escaloriment deu climat e contra l’en·hrediment culturau”, çò ditz en tot precisar “qu’ei ua question democratica màger”.
 
Dins aqueste libre Grosclaude conta tanben son experéncia coma elegit regional encargat de la lenga occitana, e cossí aquel prètzfach lo portèt a far una cauma de la fam en 2015 en tot lançar la campanha “Pro d’èsser mespresats”. Una cauma que forcèt l’adiminstracion francesa a metre en marcha la creacion de l’Ofici Public de la Lenga Occitana.
 
Lo libre compta amb un prefaci de Max Simeoni e es escrich e publicat en doas edicions: una en occitan e una autra en francés. Se pòt comandar sul sit de La Setmana.
 
 
  GROSCLAUDE, David. Los mots e lo baston. Ed. de l’ADEO. 128 paginas. 12 èuros
 
 



 

Leave a Reply

Your email address will not be published. Required fields are marked *