Notícies

Una rave salvatja a amassat de milièrs de personas al Causse Mejan

Una rave comencèt dissabte passat sul Causse Mejan, près del masatge de Drigas dins la comuna d’Ura e la Parada, çò rapòrta France Info. Segon la prefectura de Losera, dimenge a miègjorn la fèsta amassava entre 3500 e 4000 personas e environ un milièr de veituras. Segon los mèdias, i aviá mai de 10 000 participants amb lors veituras respectivas.
 
La fèsta suscitèt l’inquietud e la colèra dels abitants del parçan, que se recordavan dels degalhs patits pendent un eveniment parièr en 2001. Un dels proprietaris de las parcèlas ocupadas deplorava las “degradacions de las barralhas e lo trepejament de dètz ectaras de percors” per sas fedas. “Aquí es segur qu’i tornaràn pas tastar l’èrba”. De son latz, lo cònsol màger d’Ura e la Parada disiá que tot aquò èra “ una desolacion”. L’elegit apondiá sus France Info que los abitants èran inquiets per las consequéncias economicas que se serián victimas los agricultors. “Aquel mond que respèctan res se’n devon anar”, çò concluguèt categoricament.
 
A tot aquò cal ajustar lo risc d’incendi e quitament sanitari dins lo contèxt de la covid-19. Per aquela rason, los pompièrs, la Crotz Roja e los gendarmas anèron dimenge sus plaça. A 11 oras començava una cellula de crisi dins la quala la municipalitat e los servicis de l’estat s’amassèron per ensajar d’empedir aquela mena d’eveniment dins l’avenidor.
 
Tanben nomenada free party, una rave es un eveniment de musica mai que mai electronica que sos participants dançan tota la nuèch e l’endeman del temps que los DJ’s prepausan tota sòrta de sons electronics.
 
 

Une rave party réuni en ce moment même plus de 6000 fêtards au coeur des #Cévennes à deux pas de La Grand Combe pic.twitter.com/qoB2ETBWEK

— France Bleu Gard Lozère (@bleugardlozere) August 28, 2016
 
 

 
 
 
 

 
 
 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies