Se presentèt lo programa Linguatec dimècres passat al sèti del Congrès Permanent de la Lenga Occitana (CPLO) a Vilhèra (Palés), que permetrà l'aplicacion de ressorsas lingüisticas novèlas en aragonés, basco e occitan e de nòus espleches coma de correctors en linha, desvolopament de l'educacion bilingua, l'introduccion de la lenga dins lo transpòrt public gràcias a de sintèsis vocalas.Linguatec es un programa de desvolopament de la cooperacion transfrontalièra e del transferiment de la coneissença en tecnologias de la lenga, retengut pel segond apèl a projèctes del Programa de Cooperacion Territorial Espanha-França-Andòrra POCTEFA (2014-2020) que sa tòca es lo transferiment de tecnologias e lo desvolopament de ressorsas e d'aplicacions lingüisticas innovantas en aragonés, basco e occitan. A un budget d'1 227 000 èuros, segon Òc-Tèle.
Mai d'informacion sul sit del CPLO.