Notícies

Zine presenta un videoclip en omenatge als jogadors de l’esquipa de fotbòl OGC Niça

La cantadora niçarda Zine, ven de presentar son novèl clip en occitan entitolat “Lu baudos de l’OGIM”, en omenatges als jogadors de l’esquipa de fotbòl OGC Niça, que “fedèran lo poble” segon ela.
 
L’idèa del clip “es de donar un imatge de glamor a aquel espòrt de còps mau considerat mas que dona tot plen d’exemples positius per lu nòstres joves e recampa en aquelu temps de crisi e d’individualisme”.
 
Las paraulas son en occitan niçard sus una melodia de Jacques Dutronc. Lo clip es lo trabalh de tres femnas independentas: la realizatritz Catherine Brun, aliàs Shootmi, la ferventa suportaira de l’OGC Niça Sandhra e la cantadora occitanofòna, Zine, qu’es tanben compositritz, interprèta e ensenhaira de francés e d’occitan.
 
Zine es una cantadora engatjada per la lenga e la cultura occitanas. Fa un an respondèt a las questions de Jornalet dins una entrevista simpatica e fòrça optimista. “L’art e l’espòrt fan part de la mieu vida”, çò disiá, e ara ven de o demostrar.

 

 

 
 



 

Leave a Reply

Your email address will not be published. Required fields are marked *