Es descobèrt un lac gigantàs en Antartida

Ongan es estat descobèrt un lac enòrme de tipe sosglaciari en Antartida. Sas mesuras son estonantas; fa fins a 42 quilomètres de longor e fins a 370 km2 cairats. Lo nom balhat al lac es Agla de Nèu e es vengut un dels màgers lacs del continent glaçat.
 
Lo lac, qu’es cobèrt d’un fin jaç de glaç, demòra dins una gòrja plan prigonda, e foguèt descobèrt amb l’ajuda d’una còla de recèrca scientifica aeriana. Lo lac se situa a la nomenada Tèrra de la Princesa Elisabèt, sonque a qualques quilomètres de la còsta. Segon los scientifics que confirmèron aquela descobèrta, se pensa que, pr’amor de sa situacion geografica, poiriá ajudar a comprene melhor cossí se formèt geologicament aquela region antartica.
 
Justament es ailà que se trapa lo Corrent Circumpolar Antartic, un anèl d’aiga freja que vira a l’entorn del continent e qu’es la causa primièra del freg polar d’aquela region. “Çò de mai segur es que lo lac Agla de Nèu a registrat tota l’istòria fossila d’aquela part del continent, que comencèt de se formar fa 34 milions d’annadas, çò diguèt Don Blankenship, de l’Universitat de Tèxas a Austin. Tanben son evolucion e sa creissença. D’efièch es una region que cambièt fòrça fa 10 000 ans mas encara sabèm pas perqué”.
 
 
Una depression suava
 
Tot comencèt quand una còla de geològs d’aquela universitat trapèt una depression suava sus d’imatges de satellit e jos lo glaç. Per o confirmar passèron mai de tres ans a volar subre l’airal per poder trapar çò que sospechavan qu’èra un lac. A mai, empleguèron de radars que podián intrar jos lo glaç e mesuravan tanben de possibles cambiaments del camp magnetic de la gravetat terrèstra.
 
“Foguèt una granda alegrança quand trapèrem lo lac”, çò diguèt Shuai Yan, de l’Escòla de Geosciéncias Jackson de l’Universitat de Tèxas. Pasmens, çò que Yan vegèt foguèt pas lo quite lac, mas sa reflexion al radar. Puèi calguèt crear una mapa de la topografia de l’airal e foguèt confirmada una suava depression amb lo lac al fons de la gòrja. Las mesuras d’Agla de Nèu son 42 km de longor, 14,5 km de largor e 198 mètres de prigondor. (Legissètz la seguida).

 
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion.  Podètz legir l’article entièr aicí.

 
   

 

Lapsus linguae de George W. Bush

Lapsus linguae de l’èx-president estatsunidenc George W. Bush. Dins un parladís que faguèt dimècres passat a Dallas, lo 43n president dels Estats Units declarèt a prepaus de Russia e de Putin : “La decision d’un òme de lançar una invasion totalament injustificada e brutala d’Iraq”. Sul pic rectifiquèt per dire: “Vòli dire d’Ucraïna… en Iraq… bon, aquò rai»; puèi, en tot badinar, trobèt l’excusa de son atge avançat (75 ans).
 
La reaccion del public foguèt de ne rire, mas los imatges an percorregut lo Mond en tot remembrar que foguèt precisament el lo principal responsable de l’invasion d’Iraq en 2003, quand pretendèt qu’en Iraq i aviá d’armas de destruccion massissa… jamai trobadas dempuèi alara. Aquela guèrra s’esperlonguèt fins a 2011 e daissèt la region completament devastada e desestabilizada, en tot causar la mòrt de mai de 100 000 iraquians e 4500 soldats estatsunidencs. Per aquela guèrra, Bush tenguèt lo sosten del primièr ministre del Reialme Unit Tony Blair e del president del govèrn espanhòl José María Aznar. S’i opausèt fermament lo president francés Jacques Chirac.

 

Speaking in Dallas this afternoon, former President George. W Bush made a significant verbal slip-up while discussing the war in Ukraine.

He tried referencing what he described as the “wholly unjustified and brutal invasion” — but said Iraq, instead of Ukraine. pic.twitter.com/tw0VNJzKmE

— Michael Williams (@michaeldamianw) May 19, 2022

 

 

De mobilizacions per demandar que s’extradisca pas Julian Assange

L’avocata e calinhaira de Julian Assange, Stella Morris, presentèt dimars a la ministra de l’Interior del Reialme Unit, Priti Patel una letra signada per 19 organizacions de jornalistas que demanda que s’extradisca pas als Estats Units lo fondador de WikiLeaks. Aital se vòl ensajar d’empachar l’extradicion del jornalista après que la justícia britanica ne presentèt lo mandat lo 20 d’abril passat. Los Estats Units reclaman Assange per aver desvelat de centenats de documents confidencials. L’acusan de 18 delictes d’espionatge e de conspiracion, coma la revelacion de crimes de guèrra comeses en Iraq e Afganistan. Per aqueles delictes als Estats Units lo poirián condemnar a 175 ans de preson.
 
De son latz, lo Programa de Proteccion de las Sorsas e dels Denonciaires (WHISPeR segon sa sigla en anglés) a mandat tanben sa letra a la ministra Patel en precisant que los Estats Units van jutjar Assange segon la Lei de l’Espionatge de 1917, qu’es “digna de tempses de guèrra”, qu’ara se’n servís lo govèrn “per amagar sos abuses e punir la dissidéncia”. Dins aquel sens, remembran los procèsses contra Edward Snowden, Thomas Drake, John Kiriakou e Daniel Hale.
 
Tanben la Federacion Internacionala dels Jornalistas, que representa mai de 600 000 professionals, fa una crida per la liberacion immediata d’Assange.
 

 
 

New: Julian Assange’s wife on the CIA plan to murder the WikiLeaks publisher and the fight to free him #FreeAssangeNOW pic.twitter.com/8LTjMwQtfx

— WikiLeaks (@wikileaks) May 18, 2022

 

‘Why Biden Administration’s prosecution of Julian Assange is a serious mistake’ | Opinion @YahooNews

‘Politicians and laypeople alike should remember that the press serves the citizens, not the government’ #FreeAssangeNOW https://t.co/bFhYcuQ0zv

— WikiLeaks (@wikileaks) May 18, 2022

 

Stella Morris says whatever happens we must fight harder to free #JulianAssange

“By putting Julian in prison the war mongers are silencing truth and justice.
We must not stop…we must win”

Her speech ends by crowds shouting “We are with you”#FreeAssangeNOW pic.twitter.com/519W9V7708

— Stop the War (@STWuk) May 17, 2022

 

Peace activist Maria Gallestegui sprayed a message for Home Secretary, @pritipatel, on the wall of @hmpbelmarsh & tried to use a drill in a mock break-out attempt as a protest over #JulianAssange’s impending extradition.@StellaMoris1 @wikileaks#FreeAssangeNOW #PressFreedom pic.twitter.com/L3diovWkJ4

— Real Media (@RealMediaGB) May 12, 2022

 

19 organisations including Reporters Without Borders and the International Federation of Journalists have today written to UK Home Secretary Priti Patel urging her to reject the US government’s request to extradite publisher Julian Assange #FreeAssangeNOWhttps://t.co/ra1EzEUlJn pic.twitter.com/dki7ScrzFh

— WikiLeaks (@wikileaks) April 22, 2022

 

«The International Federation of Journalists, representing more than 600,000 journalists worldwide, calls for Julian Assange’s immediate release» #FreeAssangeNOW #JournalismIsNotACrime @IFJGlobal @NUJofficial @withMEAA @EFJEUROPE pic.twitter.com/qMdtR3Tmyh

— WikiLeaks (@wikileaks) May 17, 2022

 

 

Turquia met son vèto a l’intrada de Finlàndia e Suècia dins l’OTAN

Turquia a exercit formalament son drech de vèto e rebuta l’intrada de Finlàndia e de Suècia dins l’OTAN, qualques oras après que los doas païses formalizèron lor sollicitacion d’accès. Aital, a blocat las negociacions d’accès que devián començar ièr dimècres, en tot dificultar l’intrada rapida que l’aliança prevesiá.
 
Ankara acusa los govèrns suedés e finlandés de collaborar amb de grops curds que considèra coma de fòrças terroristas, çò rapòrta The Financial Times. A mai, acusa tanben Suècia d’aculhir de membres del movement de Fetullah Gülen, un gropuscul islamista qu’Ankara crei qu’orquestrèt la temptativa de còp d’estat de 2016.
 
Dins una intervencion parlamentària aqueste dimècres de matin, lo president turc, Recep Tayyip Erdoğan, acusèt los païses occidentals de non respectar pas la sensibilitat d’Ankara e expliquèt que Suècia e Finlàndia volián pas extradir trenta militants curds enseguits per terrorisme en Turquia. “Demandèrem los trenta terroristas e nos diguèron: «Los vos donarem pas.» […] Liuran pas los terroristas, mas vòlon per contra jónher l’OTAN. Podèm pas dire de òc a una organizacion de seguretat ont i a pas cap  de seguretat”, çò precisèt Erdoğan.
 
Totjorn dimècres, los mèdias turcs publiquèron una lista de las dètz condicions que lo govèrn turc acceptariá per permetre l’intrada de Suècia e Finlàndia dins l’OTAN, dont restrénher los contactes amb lo Partit dels Trabalhadors Curds (PKK) o ben enebir los mèdias suedeses afiliats a Gülen.
 
Lo secretari general de l’Aliança Atlantica, Jens Stoltenberg, diguèt dimars que “cal prene en consideracion los interèsses de seguretat de totes los aliats”, e aital declarèt que l’OTAN èra determinada “a resòlver tot problèma per pervenir a una solucion rapida”. E apondèt: “Totes los aliats son d’acòrdi sus l’importància d’espandir l’OTAN. Totes sèm d’acòrdi que nos cal demorar amassa, e que nos trobam a un moment istoric que cal aprofechar.”

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies