Las principalas vilas italianas, dont Turin, Milan, Trièste o Nàpols, an viscut de protèstas e de susmautas contra las mesuras anticovid qu’obligan de barrar tota activitat a partir de 18h. La capitala de Lombardia es benlèu l’endrech ont los rambalhs son estats pus fòrts, mai que mai dins la nuèch de diluns a dimars. Aquí mai d’una centenat de manifestants marchèron fins al sèti del govèrn regional e bandiguèron de pèiras, de botelhas, de petards e de fuòcs de Bengala.A Turin, los manifestants e la polícia s’afrontèron sus la Plaça del Castèl. Pendent la protèsta se brigalhèt qualques vitrinas e se pilhèt qualques botigas.
Las nòvas restriccions implican que lo sector de l’ostalariá pòt solament dobrir de 5h a 18h00. A mai, s’es barrat los centres esportius, las piscinas, los bans publics, los centres culturals, socials e recreatius, las salas de lòto, los casinos, los pargues d’atraccions, los teatres, los cinèmas e las salas de concèrts.