La cofondadora de la banda feminista de punk Pussy Riot, Maria Alekhina, icòna de l’activisme contra Vladimir Putin, es en exili. Sa fugida es estada espectaclosa, çò rapòrta The New York Times.Alekina se trobava assignada a domicili, mas ela rompèt lo braçalet que la contrarotlava dempuèi qu’aviá protestat contra l’invasion d’Ucraïna, çò per qué l’avián condemnada a passar 21 jorns dins una colònia penala. Es aquí que perpensèt son plan per fugir lo país. Tanlèu tornarmai assignada a l’ostal, quitèt son ostal desguisada en corsièr que pòrta de manjar a domicili. Puèi, un amic l’acompanhèt fins a la frontièra amb Bielorussia. Aviá daissat son telefòn mobil a l’ostal per evitar d’èsser traçada.
Las complicacions arribèron al moment de traversar la termièra entre Bielorussia e Lituània. La polícia bielorussa li confisquèt son passapòrt car èra recercada per las autoritats russas, e foguèt retenguda sièis oras a la frontièra. Enfin, l’artista islandés Ragnar Kjartansson, amic de Maria Alekhina, capitèt qu’un estat europèu (non vòl pas dire quin) emetèsse un document de viatge per la musiciana russa coma se foguèsse ciutadana de l’Union Europèa. Aital poguèt traversar la frontièra dins un autobús.
Tanlèu arribada en Lituània, Alekhina s’es gandida en Islàndia e d’autres estats per començar una virada de concèrts de las Pussy Riot, amb una cançon contra la guèrra e d’autras sus la repression.
Read this article in NYTimes about Maria Alekhina of Pussy Riot. It tells you a lot about the regime and also people willing to resist, and the uphill battle... https://t.co/8kv1zE9aR9
— Yoshiko Herrera (@yoshikoherrera) May 10, 2022La Pussy Riot, Maria Alekhina, ha pogut exiliar de Rússia
Ací el seu elaborat pla de fugidahttps://t.co/cBWnYBIwZQ