Miei Ambient Notícies

Liberadi 100 exemplars de cabilat en arriu Garona

 

Ues quaranta persones an participat ena liberacion de 100 exemplars de cabilat en arriu Garona.

 

 

Eth cabilat o “cullereta” (Cottus hispaniolensis) ei un peish petit qu’aucupe arrius e torrents de nauta montanha, a on conviu damb era trueita comuna (Salmo trutta). Ei ua espècia endemica dera vessanta nòrd des Pirenèus e, mès en concrèt, dera conca dera Garona, en tot includir era Val d’Aran, a on actuauments se trape extrèmaments menaçada a causa deth baish numerò d’individus e ar isolament respècte ara rèsta de poblacions dera conca. Sonque ei present en uns pòqui trams, damb densitats fòrça baishes.

 

 

Es cabilats liberadi en Garona neisheren en Centre Camadoca de Santa Maria de Merlès e se realizaràn mès liberaments pendent aguest an 2019.

Era Associació de Defensa i Estudi de la Fauna i Flora Autòctona (ADEFFA) a un programa d’estudi dera biologia dera espécie e cria en captivitat des deth 2006. Pendent eth projècte s’an liberat mès de 400 exemplars en totau, qu’an servit tà recuperar poblacions dempús des riuades deth 2013.

ADEFFA a signat un convèni de collaboracion damb eth Conselh Generau d’Aran des deth 2016 tara conservacion dera espécie. S’an realizat trebalhs de divulgacion e educacion ambientau pendent eth liberament des exemplars per part de Verd e Blu. Eth projècte compde damb eth supòrt dera Fundación Biodiversidad del Ministerio para la Transición Ecológica.

 

 

 

 

Vielha, 17 de mai de 2019

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies