Conselh Generau d'Aran General Notícies

Presentacion de “Val d’Aran destinacion Biosphere” en Salon der Espòrt e Torisme de Montanha de Lhèida

Foment Torisme Val d’Aran amassa damb Baqueira Beret seràn presents en Salon der Espòrt e Torisme de Montanha de Lhèida

• Era 2au edicion deth STM aufrirà deth 6 ath 8 de hereuèr mès de 30 prepauses entre carrères, jornades tecniques, conferéncies, demostracions e talhèrs

• Deman diuendres, dia 6 de hereuèr, a compdar des 18h30, se presentarà “Val d’Aran destinacion Biosphere” e se projectarà era pellicula deth 50 anniversari de Baqueira Beret

STM2014-Slides-IMG_8999

STM- Foto d’archiu der an passat

Era 2au edicion deth STM- Salon der Espòrt e Torisme de Montanha (STM) daurirà es sues pòrtes deman diuendres, dia 6 de hereuèr, en Lhèida damb un increment d’expositors (62), de superfícia neta d’exposicion (4.300 m2) e deth numerò d’activitats paralleles (31, 55% mès qu’en 2014). Er aument des activitats outdoor, a mès des carrères, e era preséncia de coneishudi esportistes d’especialitats extrèmes son tanben nauetats dera edicion d’enguan.

Eth STM qu’aurà lòc en Pabalhon 3 dera Hèira de Lhèida damb un orari de 10h00 enquiàs 20h00 ininterrompudament. Er objectiu deth salon, qu’inicièc era sua marcha eth passat an damb era vocacion de convertir-se en un punt de referéncia internacionau en sòn encastre, ei mostrar era aufèrta de torisme e espòrts de montanha deth país e d’ambdues vessants deth Pirenèus.

Foment Torisme Val d’Aran amassa damb Baqueira Beret seràn presents en STM e deman diuendres ena Sala de conferéncies deth Pabalhon 3, a compdar des 18h30, era conselhèra de Torisme, Comèrç e Consum d’Aran, Anna Díaz, presentarà “Val d’Aran destinacion Biosphere” e seguidament Baqueira Beret, dera man deth director comerciau de Baqueira Beret, Xavi Ubeira, presentarà eth vidèo deth 50 anniversari de Baqueira Beret. En tot acabar, en estand dera Val d’Aran/Baqueira Beret se poderàn degustar productes dera Marca de Garantia dera Val d’Aran.

Era organizacion preve acuélher uns 8.000 visitants.

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies