Ièr diluns de ser, a l’entorn de 20h30, dos individús encagolats intrèron dins un salon de tè de Sarrian (Comtat Venaicin) en fusilhant un jove de 21 ans que se trobava dins l’establiment, segon çò que rapòrta La Provence. Lo jove foguèt tocat a las cambas e capitèt a se refugiar a l’establiment vesin mentre que los dos tiraires fugiguèron a pè per la Carriera Bassa.Los gendarmas despleguèron un dispositiu important per enquestar sus aqueste afar, que segon lo jornal provençal sembla un reglament de comptes. Tanben cal soslinhar la preséncia sus plaça d’elegits, dont lo cònsol de la comuna.
Lo ferit lo menèron a un espital de Carpentràs, dins una ambulància dels pompièrs escortada per una veitura de gendarmas.