SpaceX a mandat dos astronautas a bòrd de l’Estacion Espaciala Internacionala

La societat SpaceX, del magnat estatsunidenc Elon Musk, a reüssit aquesta dimenjada son escomesa màger: amb la NASA, a mandat dos astronautas dins l’Estacion Espaciala Internacionala (EEI) a bòrd del Crew Dragon.
 
Es la primièra fusada amb esquipatge qu’SpaceX e la NASA envian dins l’espaci dempuèi que collabòran e, sustot, lo primièr còp en gaireben un decenni que los Estats Units mandan d’umans a far de vòls espacials amb de lançaments de lor territòri estant. Aquò se considèra coma tot un eveniment perque, atal, la poténcia nòrd-americana pòt començar de quitar de dependre de las naus espacialas russas per las exploracions espacialas amb esquipatge. Dempuèi 2011, los astronautas estatsunidencs se son deguts entraïnar amb la Soiuz russa.
 

 

 

This is the first time in human history @NASA_Astronauts have entered the @Space_Station from a commercially-made spacecraft. @AstroBehnken and @Astro_Doug have finally arrived to the orbiting laboratory in @SpaceX’s Dragon Endeavour spacecraft. pic.twitter.com/3t9Ogtpik4

— NASA (@NASA) May 31, 2020

 
Lo lançament èra previst per dimècres a 22h33 del ser (ora d’Occitània) mas s’anullèt quand mancava solament 17 minutas e l’operacion se reportèt per de marridas condicions metereologicas.
 
Dissabte, qualques oras abans lo lançament, un prototipe d’SpaceX espetèt en creant una èrsa de fuòc.
 

I mentre esperem el llançament aquest vespre del coet Falcon 9 amb la Crew Dragon de SpaceX des de Florida, a Texas fa unes hores un prototip d’aquesta companyia ha esclatat espectacularment. Es tracta del coet que es vol que pugui portar tripulacions nombroses a Lluna i a Mart pic.twitter.com/8siXcyBLRv

— Joan Anton Català (@estelsiplanetes) May 30, 2020

 

 
 

 

Acarniment judiciari contra Cédric Herrou

La persecucion judiciària contra lo roiasc Cedric Herrou coneis pas de limits. Lo 13 de mai passat, la Cort d’Apelacion de Lion, sus remamdament de la Cort de Cassacion, prononciava la relaxa totala de las proceduras judiciàrias contra Cedric Herrou. Semblava qu’aquí se metiá lo ponch final a una cachavièlha de quatre ans. Mas lo 28 de mai passat, l’avocat general de Lion formèt un recors en cassacion contra aquela relaxa. Lo delicte d’Herrou èra tot simplament d’aver portat socors a de migrants e refugiats. Mas l’an tanplan enseguit per injúria publica e sustot per aver denonciat de politicas racistas e de maltractaments contra de demandaires d’asil.
 
Quatre annadas de proceduras judiciàrias, plenas de decepcions e de jòia, an un còst per qu’Herrou se siá pogut assegurar sa defensa. Per aquela rason, an lançat una campanha de finançament solidari, per ajudar la còla d’Emaús Ròia a finançar la defensa de Cedric Herrou.
 

#Solidarité | Cet acharnement contre @CedricHerrou est incompréhensible. Si la solidarité est un délit, alors nous le disons à nouveau : nous sommes toutes et tous #DelinquantsSolidaires. https://t.co/UcgTUgBH0P

— LDH France (@LDH_Fr) May 28, 2020

 

 
 
Acusat tanben d’injúria publica
 
En febrièr de 2019, Herrou èra relaxat pel tribunal correccional de Niça, en seguida de la denóncia depausada pel prefècte del departament dels Alps Maritims per injúria publica. Lo prefècte aviá acusat lo militant umanista d’aver dreiçat un parallelisme entre lo tractament dels migrants dins lo departament e lo dels josieus jos l’ocupacion nazi, e demandava contra Herrou una multa de 5000 èuros.

L’acusacion contra Herrou la depausèt lo prefècte après que l’activita aguèt escrich sus sa pagina Facebook lo messatge seguent: «Benlèu lo prefècte dei Aups Maritims si poiria inspirar dei acòrdis emb l’SNCF pendent la 2a guèrra per lo transpòrt dei jusieus per gerir lo transpòrt dei demandas d’asil».
 
Herrou esperava una senténcia negativa, e quitament aviá convidat lo mond a se recampar davant lo tribunal de Niça.
 

 

Passaire solidari perseguit en justícia
 
Ja en decembre passat la Cort de Cassacion aviá anullat la condemnacion de Cédric Herrou e d’un autre militant de la Val de Ròia, condemnats en apelacion per aver portat assisténcia a de migrants.

Lo pus naut tribunal de la republica francesa faguèt referéncia al principi de “fraternitat” dins la lei e remandèt los dos ciutadans roiasques condemnats a Ais de Provença davant la cort de Lion per que foguèsson jutjats tornarmai.
 
Segon lor avocat, Patrice Spinosi, “es una granda victòria”. Atal Spinosi saludèt la reconeissença d’una “excepcion umanitària que deu conduire a la relaxa” dels dos òmes.
 
 
Condemnat en apelacion a quatre meses de preson
 
Après que foguèt condemnat en primièra instància a una multa de 3000 èuros amb sosta en genièr de 2017, la justícia condemnèt Cedric Herrou a 4 meses de preson amb sosta,per aver portat socors a de migrants e refugiats, com tantes autres roiasques de l’associacion Ròia Ciutadana.
 
L’8 d’agost de 2017 la Cort d’Apelacion d’Ais de Provença diguèt a Herrou sa senténcia. La justícia reconeguèt l’agricultor solidari colpable d’”ajuda a l’immigracion clandestina”. En intrant dins la sala, Herrou aviá proclamat qu’”es lo ròtle d’un ciutadan en democracia d’agir quand i a un defalhiment de l’estat”.
 

 
 
La solidaritat dels roiasques
 
En agost de 2015, l’estat francés decidiguèt de barrar la frontièra a Ventemilha pels migrants e refugiats. A partir d’aquel moment, la Val de Ròia venguèt lo nòu ponch de passatge, ont es frequent de trobar de desenas de migrants a se pèrdre sus las estradas e los camins de montanha. Espontanèament, d’abitants roiasques lor venon ajudar. Son organizats al sen de l’associacion Ròia Ciutadana, e refusan d’abandonar los migrants, sovent afamats e perduts.
 
Demest aqueles roiasques solidaris se tròba Cédric Herrou, un agricultor de 37 ans d’origina niçarda, qu’es conegut per aver albergat en cò sieu plusors centenats de migrants. Es ja estat detengut cinc còps en gàrdia a vista e jutjat per aver portat socors a de migrants e refugiats. Mentretant, Herrou e l’associacion Ròia Ciutadana demandan “la legalitat per portar assisténcia”.
 
 
De reconduchas illegalas de menors isolats a la frontièra
 
La cinquena detencion de Cédric Herrou arribava lo 6 de julhet passat, just l’endeman d’aver publicat sus Internet un vidèo de gaireben 12 minutas que denonciava de practicas illegalas de las autoritats francesas amb los immigrants refugiats menors. Lo vidèo, entitolat Anar-Retorn, es estat fach amb camèra amagada per la còla de Ròia Solidària a la gara mentonasca de Garavan, e mòstra e denóncia de “reconduchas illegalas de menors isolats a la frontièra” ansin coma un “centre de retencion illegal” al primièr estatge de la petita estacion ferroviària de Menton.
 

 
 
Canas metèt lo tapís roge per Herrou
 
Après la persecucion, las detencions e las gàrdias a vista, Canas a espandiguèt lo tapís roge per Cédric Herrou. Se presentèt al festenal de cinèma, fòra competicion, lo filme documentari de Michel Toesca sul prètzfach umanitari de Cédric Herrou. Entitolat Libre (Liure), lo documentari explica lo prètzfach d’aqueles ciutadans roiasques qu’ajudan als migrants.
 
Produch per Jean-Marie Gigon e per SaNoSi Produccions, lo documentari s’es menat a bon tèrme gràcias al sosten d’Emaús França, de Mètges del Mond, de Res Publica, de Ròia Ciutadana e de KissKissBankBank, e se presentèt a Canas en session especiala.
 

 
 

 

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies