Era lengua ena escòla

Er aranés ei era lengua d’aprenedissatge des escolans de 3 a 7 ans e era lengua veïculara en toti es centres d’educacion infantila e primària ena Val d’Aran. Eth curriculum der aranés ei eth conjunt d’objectius, contenguts, metòdes pedagogics e critèris d’avaluacion de cadun des nivèus, etapes, cicles, grads e modalitats deth sistèma educatiu que guien era accion docent.

Eth Conselh Generau d’Aran aprovèc per unanimitat eth curriculum der aranés der ensenhament obligatori en session plenària deth 13 de hereuèr de 1998.

Descarregar Currículum d'ensenyament de l'aranès
Curriculum der aranés der ensenhament obligatori (129 KB)

Educacion infantila (3, 4 e 5 ans)

Era lengua base d’aprenedissatge ei er aranés.

Introduccion deth catalan e castelhan a nivèu orau: 2 ores de cada lengua ara setmana.

Educacion primària. Cicle iniciau (6-7 ans)

Era lengua base d’aprenendissatge ei er aranés.

2 ores de catalan e 2 de castelhan.

Educacion primària. Cicle miei (8-9 ans)

2 ores de cada ua des lengües oficiaus (aranés, catalan e castelhan).

2 ores dera prumèra lengua estrangèra: ei eth francés per proximitat geografica tamb França.

Cada ua des diferentes matèries escolars s’impartissen en diferentes lengües: matematiques en castelhan, sociaus en aranés, naturaus en catalan, plastica en francés, educacion física en aranés, musica en catalan…, tot açò tamb er objectiu de serví-se des lengües entà apréner.

Educacion primària. Cicle superior (10-11 ans)

Introduccion dera segona lengua estrangèra: 2 ores d’anglés.

Ensenhament segondari obligatòri (ESO) (12-16 ans)

2 ores de cada lengua oficiau per setmana.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies